Алматы қаласы Алмалы аудандық мүгедектерді бейімдеу және оңалту орталығы

Алматы қалалық Жұмыспен қамту және әлеуметтік бағдарламалар басқармасының «Алматы қаласы Алмалы аудандық мүгедектерді бейімдеу және оңалту орталығы» коммуналдық мемлекеттік мекемесі

Алматы қалалық Жұмыспен қамту және әлеуметтік бағдарламалар басқармасының «Алматы қаласы Алмалы аудандық мүгедектерді бейімдеу және оңалту орталығы» коммуналдық мемлекеттік мекемесі (бұдан әрі – Орталық) жартылай стационар жағдайында және үйде арнаулы әлеуметтік қызмет көрсетуге мұқтаж ауруы бар мүгедектер тәуліктің күндізгі уақытында ұзақ немес уақытша (6 айға дейінгі мерзімге) келуіне арналған (бұдан әрі – қызмет алушылар), мекеме ұйымдық-құқықтық түрде құрылған, коммуналдық заңды тұлға мәртебесіне ие коммерциялық емес медико-әлеуметтік мекеме болып табылады.

Директор – Коржинская Галина Сергеевна

Телефон – 272-45-58, 272-45-38

Мекен жайы – Наурызбай батыр к-сі, 108 үй

Қазақстан Республикасының денсаулық сақтау және әлеуметтік даму Министрінің 2015 жылдың 28 сәуірдегі № 279 бұйрығымен бекітілген «Медициналық-әлеуметтік мекемелерге орналасудың құжаттарын рәсімдеу» туралы мемлекеттік Стандартына сәйкес Орталыққа орналасу үшін тұрғылықты жер бойынша аудандық жұмыспен қамту және әлеуметтік бағдарламалар бөліміне келесі құжаттарды тапсыру қажет:

1)  қызмет алушының жазбаша өтініші, ал кәмелетке толмаған және әрекетке қабілетсіз адамдар үшін заңды өкілінің (ата-анасының біреуінің, қамқоршының, қорғаншының) жазбаша өтініші немесе медициналық ұйымның өтініш хаты (бекітілген үлгіде);

2)   баланың туу туралы куәлігінің немесе жеке сәйкестендіру нөмірі бар (ЖСН)  қызмет алушының жеке куәлігінің көшірмесі.

ЖСН болмаған жағдайда салық төлеушінің тіркеу нөмірі және әлеуметтік жеке кодты беру туралы куәліктері беріледі;

3)  мүгедектігі туралы анықтаманың көшірмесі;

4)  медициналық карта (бекітілген үлгіде);

5)  мүгедекті оңалтудың жеке бағдарламасынан үзінді көшірме;

6)  18 жастан асқан адамдар үшін – соттың адамды әрекетке қабілетсіз деп тануы туралы шешімі (болса);

7) зейнеткерлік жастағы адамдар үшін – зейнетақы куәлігі;

8) Ұлы Отан соғысының мүгедектері, қатысушылары және соларға теңестірілген адамдар үшін – Ұлы Отан соғысының мүгедегі, қатысушы және соларға теңестірілген адам мәртебесін растайтын куәліктің.

Құжаттардың көшірмелері түпнұсқаларымен бірге ұсынылады, салыстырып тексерілгеннен кейін өтініш берушіге қайтарылады.